समानान्तर कमिटीले ग¥यो पार्टी इन्र्चाजकै विज्ञप्तीको खण्डन

भाईरल पोष्ट, हरिवन ।। अर्जुन पन्त नेतृत्वको कमिटी नै आधिकारीक नगर कमिटी हो भन्दै नेकपा माओवादी केन्द्रका जिल्ला इन्चार्ज अच्यूतम काफ्लले जारी गर्नुभएको विज्ञप्तीको समानान्तर कमिटीले खण्डन गरेको छ ।
नेकपा माओवादी केन्द्र हरिवन नगर कमिटीको विवादलाई लिएर विभिन्न संचार माध्यम र सामाजिक सञ्जालमा नगर कमिटीको आधिकारीकतामै प्रश्न उठ्न थालेपछि केन्द्रीय पोलिट ब्यूरो सदस्य समेत रहनुभएका जिल्ला ईन्चार्ज अर्जुन पन्त नेतृत्वको कमिटी नै आधिकारीक नगर कमिटी भएको विज्ञप्ती मार्फत जानकारी दिनुभएको थियो ।
उहाँले देशैभरी वडा देखि गाउँ/नगर सम्मेलन गरी गाउँ/नगर कमिटिको नेतृत्व सम्मेलनद्वारा निर्वाचित गर्ने पार्टीको निर्देशन अनुसार हरिवन नगर पार्टिको सम्मेलन २०७८ मंसीर ११ गते भएको र सो सम्मेलनद्वारा निर्वाचित अर्जुन पन्त नेतृत्वको नगर कमिटी नै आधिाकारीक नगर पार्टी कमिटी भएको उल्लेख गर्नुभएको थियो ।
तर समानान्तर कमिटीले त्यसको ठाडै खण्डन गरेको छ । समानान्तर कमिटीका संयोजक फडिन्द्र अधिकारीले जिल्लाका २ जना सह–ईन्चार्ज र जिल्लामा उपलब्ध केन्द्रीय सदस्यहरुसँग सल्लाह नै नगरी एकलौटी ढंगले जिल्ला ईन्चार्ज काफ्लेको विज्ञप्ती आएकोले मान्य नहुने बताउनुभएको छ । उहाँले पार्टीको केन्द्रीय निर्वाचन आयोगले नै छानविन गरेर आधिकारीकताको विवाद टुंग्याउनु पर्ने बताउनुभयो ।
उहाँले भदौ १५ गते तोकिएकै समयमा नगर सम्मेलन हुने भन्दै कार्यकर्तालाई जिल्ला ईन्चार्जको विज्ञप्तीबाट भ्रममा नपर्न आग्रह गर्नुभयो ।