न्वारनको भोज खाएर फर्केको कार दुर्घटना हुँदा एक बालकको मृत्यु सात जना घाईते

भाईरल पोष्ट, बरहथवा ।। न्वारनको भोज खाएर फर्किने क्रममा भएको कार दुर्घनामा परी सर्लाहीमा एक बालकको घटनास्थलमै ज्यान गएको छ भने अन्य सात जना घाईते भएका छन् ।
जिल्लाको धनकौल गाउँपालिका वडा नम्बर ५ स्थित छठीघाट पुलमा भएको दुर्घनामा परी रौतहटको वृन्दावन नगरपालिका ४ हरैया बस्ने ४ वर्षिय गम्भिर यादवको घटनास्थलमै मृत्यु भएको जिल्ला प्रहरी कार्यालय सर्लाहीले जनाएको छ ।
प्रहरीका अनुसार दुर्घटना गएराति अन्दाजी १ बजेको समयमा भएको हो । दुर्घनामा परेको बिआर०५एआर५१३७ नम्बरको भारतीय कार आफै अनियन्त्रित भई छठीघाट पुलबाट १५ फिट तल खसेको थियो । कारमा चालकसहित ९ जना सवार थिए ।
दुर्घटनापछि कारका चालक फरार रहेका छन् । कारमा सवार अन्य सात जना घाईतेहरुको बरहथवास्थित एडभान्स संजीवी अस्पतालमा उपचार भइरहेको छ ।
घाईते हुनेहरुमा वृन्दावन नगरपालिका ४ हरैयाका ७० वर्षिय महेन्द्र राय, सोही ठाउँका ४ वर्षिय अमित कुमार यादव, ६ वर्षिय अनिकेत यादव, १० वर्षिय गौतम कुमार यादव, १४ वर्षिय मिरा कुमारी यादव, १७ वर्षिय शोभा कुमारी यादव, ३२ वर्षिय जितेन्द्र कुमार यादव रहेका छन् ।
घाईतेमध्ये ७० वर्षिय महेन्द्र यादवबाहेक ६ जनालाई समान्य चोट लागेको छ । महेन्द्रको भने शरीरका विभिन्न भागमा चोट लाग्नुको साथै तिघ्रा भाँचिएको जिल्ला प्रहरी कार्यालय सर्लाहीका डिएसपी माधव प्रसाद बुढाथोकीले बताए ।